Денес беше остварена средба со претставници од Амбасадата на САД во Скопје, г. Ендрју Ковтун и г. Адријан Исмаили.
На средбата беа презентирани надлежностите и тековната работа на Кабинетот, како и активностите што се спроведуваат во рамките на имплементацијата на Стратегијата за инклузија на Ромите 2022–2030.
Посебен акцент беше ставен на проектите и иницијативите што се реализираат во соработка со различни министерства и институции, со цел подобрување на положбата на ромската заедница и унапредување на нејзината социјална инклузија.
Во текот на состанокот се разговараше и за можностите за идна соработка, особено во делот на поддршка за училиштата, донации за локалните општини, како и реализација на заеднички проекти кои ќе придонесат за подобри услови за живот и развој на ромската заедница.
