Министерот без ресор, д-р Шабан Салиу остварил значајна средба со ромологот од Данска, г-дин Селахетин Круези, како и со раководителот на проектната единица за Роми во Тетово, г-дин Али Азизи.
На средбата се разговараше за актуелните предизвици со кои се соочува ромската заедница, како и за можностите за унапредување на нивната социјална инклузија преку конкретни политики и проекти.
Посебен акцент беше ставен на размената на искуства и добри практики од меѓународен контекст, кои можат да се применат и во државата.
