Денес беше остварена работна средба со директорката на Државното средно училиште со ресурсен центар „Партенија Зографски“, Слободанка Џепоска, како и со учениците Роми кои се дел од образовниот процес во оваа институција.
Во рамки на средбата се разговараше за тековните состојби, предизвиците и можностите за унапредување на квалитетот на образованието и поддршката што ја добиваат учениците. Посебен акцент беше ставен на унапредување на инклузивните политики, обезбедување соодветни услови за учење и поттикнување на нивниот личен развој и самостојност.
Со директорката беа разменети мислења за продлабочување на меѓуинституционалната соработка и креирање конкретни иницијативи кои ќе придонесат за поголема интеграција и еднаков пристап до образование за учениците Роми.
