Се формираше Работна група за изготвување на новите Национални акциски планови 2026–2028 за спроведување на Стратегијата за инклузија на Ромите 2022–2030.
Овие акциски планови опфатија клучни приоритетни области: образование, култура, здравство, домување, граѓанска регистрација, вработување и социјална инклузија, борба против антициганизмот, унапредување на положбата на жените и девојчињата Ромки, како и поддршка на младите Роми.
Нашата цел беше да создадеме конкретни, мерливи и остварливи мерки кои ќе придонесат за реална и одржлива инклузија на Ромите во општеството. Преку овие акциски планови обезбедивме подобар пристап до образование, здравствени услуги, домување и вработување, како и зајакнување на еднаквоста, недискриминацијата и социјалната кохезија.
Процесот на изработка на акциските планови се одвиваше во инклузивен и транспарентен дух, со вклучување на сите релевантни институции, граѓански организации и претставници на ромската заедница.
Изготвувањето на овие акциски планови се реализираше со поддршка на Мисијата на ОБСЕ во Скопје, што претставуваше значајна гаранција за квалитет, експертиза и усогласеност со меѓународните стандарди.
