Денес, во соработка со Амбасадата на Кралството Шпанија во Скопје, организиравме дискусија посветена на прашања од значење за ромската заедница и процесите на европска интеграција.
Особена чест ми претставуваше тоа што на настанот се обрати амбасадорот на Кралството Шпанија, Н.Е. Рафаел Сориано Ортиз. Свое обраќање имаше и г. Фабијан Даниел-Санчез, претседател на Presencia Gitana и на Шпанскиот национален совет на Ромите, долгогодишен активист и експерт во областа на ромските права и политиките за инклузија.
Преку размена на искуства и добри практики од Кралството Шпанија, отворивме конструктивен дијалог за предизвиците и можностите поврзани со социјалната инклузија, домувањето, образованието, вработувањето, борбата против дискриминацијата и културната афирмација на ромската заедница.
Верувам дека ваквите средби претставуваат значаен чекор кон зајакнување на соработката помеѓу институциите, граѓанскиот сектор и меѓународните партнери.
