Министерот Салиу оствари средба со градоначалникот на Општина Карпош, г. Сотир Лукровски

Одржана беше работна средба со градоначалникот на Општина Карпош, г. Сотир Лукровски, на која беа презентирани активностите што произлегуваат од Стратегијата за инклузија на Ромите 2022–2030, како и приоритетите на Кабинетот насочени кон подобрување на условите за живот и унапредување на социјалната инклузија на ромската заедница.

На средбата беше ставен посебен акцент на состојбите во населбата Момин Поток, при што беа разгледани постојните предизвици и беше истакната потребата од системски пристап, координирани активности и засилена соработка меѓу надлежните институции и локалната самоуправа.

Во таа насока, беше разговарано за неопходноста од спроведување мапирање на населението од ромската заедница, како и за согледување на реалните потреби на терен, со цел креирање и имплементација на трајни и одржливи решенија во делот на домувањето и унапредувањето на основната комунална и инфраструктурна мрежа.

На крајот од средбата беше истакната заедничката заложба преку конкретни мерки, меѓуинституционална координација и партнерска соработка со Општина Карпош да се придонесе кон обезбедување подобри услови за живот и целосна социјална инклузија на ромските семејства во населбата Момин Поток.