Министерот Салиу имаше работна средба со глобалната организација We Effect

Министерот Салиу оствари средба со глобалната организација We Effect, која се бори против сиромаштијата во над 20 земји во Африка, Азија, Европа и Латинска Америка.

Мисијата на We Effect е да спроведе активности за развојна соработка кои ги зајакнуваат локалните организации и организациите базирани на членови составени од жени и мажи кои живеат во сиромаштија. Со поддршка на овие локални здруженија и кооперативни компании, We Effect сака да го зајакне влијанието на членовите врз нивните сопствени животи и заедници.

На средбата беа презентирани четирите проекти од областа на на образованието, здравството, домувањето и сиромаштијата кај Ромите, како клучни точки кои ќе придонесат за подобрување на животниот стандард на заедницата.

Како организација која се фокусира на зајакнување на маргинализираните групи и промовирање на одржлив социо-економски развој, We Effect ја потврдија можноста за наша идна соработка, со што заеднички ќе придонесеме за зајакнување на ромската заедница и поттикнување на нејзината социо-економска стабилност.