На 27.01.2026 година, Работната група за преземање конкретни активности во врска со препораките од Мислењето на Комисијата за спречување и заштита од дискриминација, за утврдена директна дискриминација врз основа на етничка припадност, социјално потекло и имотен статус во областа на домувањето и социјалната заштита кон жителите на населбата Тунел-бараки во општина Велес, го одржа третиот работен состанок.

На состанокот покрај веќе обновените договорите за закуп на семејствата од оваа населба, беа предложени локации за изградба на социјални станови согласно важечките ДУП-ови на територијата на Општина Велес, како и беше разгледана можноста за алтернативно трајно решение преку сместување на семејствата во веќе постоечки станбени единици.