На иницијатива на Кабинетот на министерот, д-р Шабан Салиу, се одржа работен состанок посветен на ромскиот јазик и култура како дел од наставниот план и програма за основно образование, на кој присуствуваа експерти, познавачи на ромскиот јазик и претставник од Министерството за образование и наука.

На состанокот се разгледа прашањето за дополнување на веќе постоечките, односно составување нови наставни планови и програми за предметот Јазик и култура на Ромите, кој, во рамки на основното образование, се изучува како изборен предмет од трето до деветто одделение.

Новите наставни планови и програми ја наметнуваат и потребата за составување нови учебници за овој предмет, кои ќе придонесат за поквалитетно образование на учениците Роми.